factor.am: Այս գիշեր Կիևում ուկրաինական հակաօդային պաշտպանությունը կործանել է մայրաքաղաք թռչող շուրջ մեկուկես տասնյակ անօդաչու թռչող սարք, առավոտյան հայտարարել է քաղաքի ռազմական վարչակազմի ղեկավարը։
«Շահեդների ութերորդ անընդմեջ հարձակումը Կիևի վրա. և կրկին, ինչպես երեկ, հարձակումը զանգվածային է։ Հակաօդային պաշտպանության ուժերը և միջոցները հայտնաբերել և ոչնչացրել են Կիևին մոտեցող գրեթե մեկուկես տասնյակ օդային թիրախներ», – ասված է Կիևի քաղաքային ռազմական վարչակազմի ղեկավար Սերգեյ Պոպկոյի հայտարարության մեջ:
Պոպկոն հայտարարել է, որ Կիևում, ըստ նախնական տեղեկությունների, զոհեր և ավերածություններ չկան։
