tert.am: Բարձրագույն դատական խորհրդի անդամ ընտրվեց արդարադատության փոխնախարար Վիգեն Քոչարյանը։

ԱԺ հաշվիչ հանձնաժողովի նախագահ Վահագն Հովակիմյանը տեղեկացրեց, որ Քոչարյանի թեկնածությանը կողմ է քվեարկել 114 և դեմ՝ 4 պատգամավոր: Մեկ քվե անվավեր է եղել։

Հիշեցնենք, որ նրա թեկնածությունն առաջադրել էր «Իմ քայլը» խմբակցությունը։

ԲԴԽ նոր անդամի երդման արարողությունը տեղի կունենա երկուշաբթի օրը արտահերթ նիստին։