factor.am: Թուրքիայի ԱԳ նախարար Հաքան Ֆիդանը նախօրեին ընդունել է ԱՄՆ պետքարտուղարի քաղաքական հարցերով տեղակալ Վիկտորյա Նուլանդին, գրում են թուրքական լրատվամիջոցները։

Թուրքիայի ԱԳ փոխնախարար Ահմեդ Յըլդըզը X-ի իր էջում հայտնել է, որ երկու պաշտոնյաները մտքեր են փոխանակել Մերձավոր Արևելքում և Աֆրիկայում տեղի ունեցող իրադարձությունների շուրջ։

Դիվանագիտական աղբյուրների  տեղեկություններով՝ Նուլանդը Թուրքիա է ժամանել  ԱԳ փոխնախարար Բուրաք Աքչապարի հրավերով՝ Թուրքիա-ԱՄՆ ռազմավարական երկխոսության շրջանակներում։

Նշվում է, որ համապարփակ խորհրդակցությունների ընթացքում կարծիքներ են փոխանակվելու տարածաշրջանային և միջազգային խնդիրների, ինչպես նաև՝ Թուրքիա-ԱՄՆ հարաբերությունների շուրջ։