shantnews.am: Դեկտեմբերի 12-ին Մեծ Բրիտանիայում արտահերթ խորհրդարանական ընտրություններ են անցկացվում, հաղորդում է Reuters գործակալությունը:
Այս ընտրությունների արդյունքում բրիտանացիները կա՛մ կքվեարկեն գործող վարչապետ Բորիս Ջոնսոնի օգտին, որը խոստացել է Brexit-ն իրականացնել, կա՛մ իրենց ձայնը կտան Ջոնսոնի հիմնական հակառակորդ, լեյբորիստների ղեկավար Ջերեմի Քորբինին: Վերջինս խոստացել է Brexit-ի հարցով ևս մեկ հանրաքվե անցկացնել:
Վերջին 5 տարիների ընթացքում Մեծ Բրիտանիայում արդեն երրորդ խորհրդարանական ընտրություններն են անցկացվում: Արտահերթ ընտրությունների պատճառն այն է, որ Համայնքների պալատի պատգամավորները դեմ էին քվեարկել Brexit-ի շուրջ վարչապետ Բորիս Ջոնսոնի և Եվրոպական միության միջև կնքված համաձայնագրին:
