azatutyun.am: Սահմանապահ զորքերի զինծառայող է մահացել, տեղեկությունը «Ազատության» հետ զրույցում հաստատել է Քննչական կոմիտեն:
Կառույցից նշել են, որ քրեական գործ է հարուցվել, սակայն թե որ հոդվածներով, առայժմ չեն հրապարակում:
Սահմանապահ զորքերի զինծառայողի մահվան մասին տեղեկություն հրապարակել էր Armlur.am լրատվականը:
Մինչև այս պահը, սակայն, ո՛չ Ազգային անվտանգության ծառայությունը, ո՛չ էլ պաշտպանական գերատեսչությունը այս մասին պաշտոնապես չեն տեղեկացրել: Ըստ լրատվամիջոցի՝ զինծառայողը մահացել է ականի պայթյունից Սյունիքում:
