ՀՀ ԱԳ նախարարի տեղակալ Վահան Կոստանյանը մայիսի 23-ին ընդունել է Հայաստանի Հանրապետությունում Քուվեյթի Պետության նորանշանակ դեսպան Մուհամմադ Տարիկ Ալի Ալ-Օրայֆանին՝ հավատարմագրերի պատճենի հանձնման կապակցությամբ: Այս մասին հայտնում են ՀՀ ԱԳ նախարարությունից:
«ՀՀ ԱԳ նախարարի տեղակալը շնորհավորել է նորանշանակ դեսպանին պաշտոնը ստանձնելու կապակցությամբ՝ մաղթելով նրան արդյունավետ աշխատանք իր առաքելության ընթացքում:
Կարևորելով Հայաստանի և Քուվեյթի միջև ավանդական բարեկամական հարաբերությունները՝ Վահան Կոստանյանը համոզմունք է հայտնել, որ դեսպանն առավելագույն ջանքեր կգործադրի երկու երկրների միջև համագործակցության խթանման և ամրապնդման ուղղությամբ:
Հավատարմագրերի հանձնման արարողությանը հաջորդած առանձնազրույցի ընթացքում զրուցակիցները քննարկել են երկկողմ օրակարգին առնչվող մի շարք հարցեր՝ երկուստեք կարևորելով փոխադարձ հետաքրքրություն ներկայացնող ոլորտներում համագործակցության հսկայական ներուժն իրացնելու անհրաժեշտությունը»,- ասվում է հաղորդագրության մեջ:
