Երևանում ավտոբուսի վարորդ է բռնության ենթարկվել։ Այդ մասին հայտնել է Երևանի քաղաքապետի խոսնակ Հայկ Կոստանյանը։
«Այսօր տեղի է ունեցել անթույլատրելի միջադեպ․ 31 համարի ավտոբուսի վարորդը բռնության է ենթարկվել երկու անձանց կողմից։
Մեզ համար շատ կարևոր է ուղևորների և վարորդների անվտանգությունը, և նման դեպքերը չենք կարող անտեսել։
Դեպքի վերաբերյալ հաղորդում է ներկայացվել ոստիկանություն, և մենք ակնկալում ենք, որ մեղավորները կպատժվեն օրենքի ողջ խստությամբ»,- գրել է Երևանի քաղաքապետի խոսնակ Հայկ Կոստանյանը իր ֆեսբուքյան էջում:
