Թուրքիայի նախագահի աշխատակազմից ՌԻԱ Նովոստիին հայտնել են, որ տեղյակ չեն ապաշրջափակման վերաբերյալ ամերիկյան կողմի մտադրության վերաբերյալ հաղորդագրություններից:
«Մենք տեղյակ չենք դրանից, հետևաբար որևէ մեկնաբանություն չենք կարող անել»,- ասել են Էրդողանից աշխատակազմից:
Թուրքիայում Միացյալ Նահանգների դեսպան Թոմաս Բարաքը հայտարարել է, որ Միացյալ Նահանգներն առաջարկում է 100 տարով վարձակալել Հայաստանի այն հատվածը, որ Ադրբեջանի արևելյան շրջանները կապում է Նախիջևանին։
ՀՀ վարչապետի մամուլի խոսնակ Նազելի Բաղդասարյանը մեկնաբանել է այս հայատարարությունը՝ ընդգծելով. «ՀՀ-ն չի քննարկել և չի քննարկում որևէ երրորդ կողմի սեփական ինքնիշխան տարածքի նկատմամբ վերահսկողությունն արտապատվիրակելը: ՀՀ տարածքի որեւէ հատված չի կարող լինել ՀՀ տարածքային ամբողջականությունից, ինքնիշխանությունից, իրավազորությունից դուրս»։
