factor.am Սոցիալական ցանցերում տարածված տեսանյութում երևում է, թե ինչպես է մի քաղաքացի շանը կապել ավտոմեքենայից ու քարշ տալիս։ Դաժան դեպքը տեղի է ունեցել Բյուրեղավան քաղաքում։ ՆԳՆ մամուլի խոսնակ Նարեկ Սարգսյանը Factor TV-ին հայտնեց, որ Բյուրեղավանի 62-ամյա բնակիչը ձերբակալվել է։

«Ոստիկանները կենդանու նկատմամբ դաժան վերաբերմունք ցույց տալու կասկածանքով ձերբակալել են Բյուրեղավանի 62-ամյա բնակչին և տեղափոխել համայնքային ոստիկանության Կոտայքի բաժին»,- ասաց խոսնակը։