pastinfo.am Երևանի երկու մարզական ակումբներում՝ «Ռիբոկ» և «Գոլդս Ջիմ», հուլիսի 21-ին իրականացված քննչական գործողությունների արդյունքում որևէ բերման ենթարկված կամ ձերբակալված անձ չկա։ Այս մասին «Փաստինֆո»-ին տեղեկացրել է ՀՀ քննչական կոմիտեի մամուլի քարտուղար Կիմա Ավդալյանը։
Նրա խոսքով՝ քննչական գործողություններն արդեն ավարտվել են, ակումբները շարունակում են բնականոն գործել։ Գործողությունների ընթացքում առգրավվել են իրեր և առարկաներ, որոնք ներկայացնում են հետաքրքրություն քրեական վարույթի շրջանակում։
Ավդալյանի փոխանցմամբ՝ նշված գործողություններն իրականացվել են միաժամանակ, սակայն՝ երկու առանձին քրեական վարույթներով։ Դրանք վերաբերում են հարկերի և տուրքերի հնարավոր թաքցման դեպքերին։
