Ռուսաստանի և Միացյալ Նահանգների նախագահներ Վլադիմիր Պուտինի և Դոնալդ Թրամփի հանդիպումը, որը տեղի ունեցավ Ալյասկայում, նոր լիցք հաղորդեց Ուկրաինայում հակամարտության կարգավորման ուղիների որոնումներին: Այդ մասին X-ի իր էջում գրել է Թուրքիայի նախագահ Ռեջեփ Էրդողանը:
Նրա խոսքով՝ Անկարան ողջունում է Մոսկվայի և Վաշինգտոնի ջանքերը այդ ուղղությամբ։ Էրդողանը նշել է, որ թուրքական կողմը հույս ունի, որ Պուտինի և Թրամփի հետագա բանակցությունները Ուկրաինայի նախագահ Վոլոդիմիր Զելենսկու մասնակցությամբ ամուր խաղաղության հիմք կդնեն: Էրդողանը նաև խոստացել է աջակցել այդ գործընթացին։
