Օգոստոսի 25-ին ՊՆ զորամասերից մեկում տեղի ունեցած դեպքի առթիվ նախաձեռնվել է քրեական վարույթ՝ Քրեական օրենսգրքի 527-րդ հոդվածի 1-ին մասով (առողջությանը վնաս պատճառելու (անդամախեղելու), հիվանդության սիմուլյացիայի կամ ապօրինի այլ եղանակով զինվորական ծառայությունից խուսափելը կամ դրա առանձին պարտականությունների կատարումը դադարեցնելը)։ Այս մասին news.am-ին հայտնել են ՀՀ Քննչական կոմիտեից։
Կատարվում է նախաքննություն։
Հիշեցնենք, որ ՀՀ ՊՆ խոսնակը, պատասխանելով «հրազենային վիրավորումով հոսպիտալ տեղափոխված զինծառայողի» վերաբերյալ հարցումների, հայտնում է, որ զինծառայողը ենթարկվել է վիրահատական շտապ միջամտության, տեղափոխվել Կենտրոնական կլինիկական զինվորական հոսպիտալ։
«Այժմ զինծառայողը հոսպիտալի բժիշկների հսկողության ներքո է, և նրա կյանքին վտանգ չի սպառնում»,- գրել է Արամ Թորոսյանը։
Ավելի վաղ մամուլում տեղեկություն էր տարածվում, որ Գեղարքունիքի մարզում զորամասերից մեկի դիրքերում կրակոց է հնչել, կա վիրավոր։
