Իրանի արտաքին գործերի նախարար Աբբաս Արաղչին հանդիպել է Թուրքիայի արտաքին գործերի նախարար Հաքան Ֆիդանի հետ: Այս մասին հաղորդում է Tasnim-ը։
Արաղչին կոչ է արել ամրապնդել իսլամական աշխարհի կոլեկտիվ կարողությունները՝ իսրայելական ռեժիմի էքսպանսիոնիստական ծրագրերին հակազդելու և պաղեստինցիների գործը պաշտպանելու համար։
Նախարարները քննարկել են նաև Թեհրանի և Անկարայի միջև երկկողմ հարաբերությունների վերջին զարգացումները։ Նրանք նաև կարևորել են համագործակցության ընդլայնումը առանցքային ոլորտներում, այդ թվում՝ առևտուրը, էներգետիկան, տրանսպորտը, սահմանների անվտանգությունը և տարածաշրջանային փոխանակումները:
Արաղչին և Ֆիդանը ընդգծել են Իրան-Թուրքիա հարաբերությունների Գերագույն խորհրդի գումարման կարևորությունը՝ որպես երկկողմ կապերի խորացման գործնական քայլ։
Նրանք նաև կոչ են արել շարունակել խորհրդակցությունները և սերտացնել տարածաշրջանային և միջազգային համագործակցությունը՝ հիմնված փոխադարձ հարգանքի, բարիդրացիության և ընդհանուր շահերի վրա։
