shantnews.am: Կառավարության այսօրվա նիստի ժամանակ ընդունվեց որոշում, որով Ռուսաստանում Հայաստանի մաքսային կցորդ նշանակվեց Արամ Թանանյանը, որը մինչ այս ՊԵԿ նախագահի խորհրդականն էր։ Նա աշխատելու է Վերին Լարսի անցակետում՝ առաջացող խնդիրներին արագ արձագանքելու համար։

Թանանյանը տևական ժամանակ աշխատել է արտակարգ իրավիճակների վարչության, ապա նախարարության կազմում, 2006-2008 թվականներին եղել է Հայաստանի փրկարար ծառայության տնօրենի տեղակալ։ 2006 թվականին նրան շնորհվել է փրկարարական ծառայության գեներալ-մայորի կոչում։

2008 թվականի հունիսին նշանակվել է ԱԱԽ աշխատակազմի՝ ազգային անվտանգության ռազմավարության իրականացման վարչության պետ, իսկ 2014 թվականի ապրիլից՝ ԱԱԽ աշխատակազմի ղեկավարի պաշտոնակատար։