Եթե Էդմոն Մարուքյանն էդքան տղա ա, մենք երկուսով մանդատները դնում ենք, իսկ կուսակցությունները թող իրենց գործը շարունակեն։ Այս մասին Ազգային ժողովում այսօր ասաց պատգամավոր Սասուն Միքայելյանը:
«Ես գիտեմ՝ Մարուքյանն ինչ շոումեն ա, էգուց կասի՝ ինձ կերան, սպանեցին, մորթեցի: Էն, ինչ կատարվել ա էս դահլիճում, իրա մեղքով ա կատարվել: Եթե էդքան տղա ա, թող մանդատը դնի, ես էլ եմ դնելու», – ասաց Միքայելյանը:
Սասուն Միքայելյանը հորդորեց Էդմոն Մարուքյանին և նրա եղբորը ներողություն խնդրել, թե՛ իրենից, թե՛ Ալեն Սիմոնյանից ՝ հայհոյելու համար։ Հակառակ դեպքում ամեն ինչ նրանց համար ավելի վատ կլինի։ Սասուն Միքայելյանն իր ընկերներին կոչ արեց կուլ չգնալ սադրանքների և ոչինչ չձեռնարկել։
