tert.am: Լիբանանի վարչապետի ժամանակավոր պաշտոնակատար Մուտաֆա Ադիբն այսօր հայտարարել է իր հրաժարականի և երկրի նոր կառավարությունը չձևավորվելու որոշման մասին:
Ինչպես հաղորդում է in.reuters.com-ը, Ադիբը հրաժարականի պատճառը ներկայացրել է տեսաուղերձի ժամանակ:
«Հրաժարականիս պատճառն այն է, որ քաղաքական բլոկերը չեն կատարել պայմանս՝ չեն հրաժարվել կառավարության ձևավորման գործընթացի քաղաքականացումից»,-ասել է Ադիբը:
Նշվում է, որ օգոստոսի 31-ին նշանակված Ադիբը փորձում էր կյանքի կոչել Ֆրանսիայի նախաձեռնությունը, այն է՝ միավորել քրիստոնյա և մուսուլման մասնագների, նրանց օգնությամբ նոր կառավարություն կձևավորեր ու երկիրը դուրս կբերեր վերջին տասնամյակների ամենախոր ճգնաժամից:
