tert.am: Հունիսի 29-ին Գերմանիայի մայրաքաղաք Բեռլինում Եվրահանձնաժողովի ներկայացուցչության շենքի առաջ տասնյակ հազարավոր մարդկանց մասնակցությամբ բողոքի խոշոր ակցիա է իրականացվել, հաղորդում է newsbeezer.com-ը:
Հավաքվածները հանդես են եկել հաջակցություն աշխատանքի շուկայի և արդյունաբերության սոցիալական ու էկոլոգիական ուղղվածության: Նրանք կոչ են արել փոփոխություններ մտցնել էներգիայի և տրանսպորտի քաղաքականության մեջ, ինչպես նաև շարունակաբար աճող թվային տնտեսության պայմաններում մարդկանց համար աշխատատեղեր ապահովել:
Ցույցը կազմակերպվել է մի շարք հասարակական կազմակերպությունների և արհմիությունների համատեղ ջանքերով: Ոստիկանության տվյալներով՝ այն խաղաղ է ընթացել:
Evangelische Bundesverband Diakonie Deutschland բարեգործական կազմակերպության ղեկավարի խոսքով՝ հարկավոր է պատասխաններ գտնել այնպիսի նոր հարցերի, ինչպիսիք են թվայնացումը, կլիմայական փոփոխությունները, միգրացիան և ժողովրդագրական փոփոխությունները:
