armtimes.com: Ռազմական գործողությունների դադարեցման հայտարարությունը կործանարար է և ոչինչ չի ձեռնարկում Լեռնային Ղարաբաղի կարգավիճակի լուծման կամ տևական խաղաղություն ստեղծելու համար: Այն ձեռք է բերվել առանց ԵԱՀԿ Մինսկի խմբի երեք անդամներից երկուսի ՝ ԱՄՆ-ի և Ֆրանսիայի մասնակցության:
Այս մասին Ֆեյսբուքի իր էջում գրել է Կոնգրեսական Ադամ Շիֆը:
«Ադրբեջանի և Հայաստանի հակամարտության ընթացքում աշխարհն ականատես եղավ, թե ինչպես է հայ ժողովուրդը համարձակորեն պաշտպանում իր հայրենիքը Ադրբեջանի և Թուրքիայի անպատժելի ագրեսիայից:
Ես համերաշխ եմ Հայաստանի և Արցախի հետ ՝ վերահաստատելով մեր աջակցությունը Հայաստանի ժողովրդավարական կառավարությանը և Արցախի ինքնորոշման իրավունքը:
Ռազմական գործողությունների դադարեցման հայտարարությունը կործանարար է և ոչինչ չի ձեռնարկում Լեռնային Ղարաբաղի կարգավիճակի լուծման կամ տևական խաղաղություն ստեղծելու համար: Այն ձեռք է բերվել առանց ԵԱՀԿ Մինսկի խմբի երեք անդամներից երկուսի ՝ ԱՄՆ-ի և Ֆրանսիայի մասնակցության:
Շատ հիասթափեցնում է այն, որ ԱՄՆ-ն և Պետդեպարտամենտը չկարողացան իրենց դերակատարությունն ունենալ նման տրագիկ արդյունքից խուսափելու համար:
Մենք ստիպված էինք միավորել կողմերին և պայմանավորվել խաղաղ ավարտի շուրջ և դրա համար օգտագործել մեր տրամադրության տակ եղած բոլոր գործիքները:
Այս արդյունքը այլ բան չի կարող համարվել, քան ԱՄՆ-ի և աշխարհի ղեկավարության սարսափելի ձախողում:
Որպես հայկական հարցերով Կոնգրեսի համանախագահ ՝ ես վարչակազմին հորդորեցի օգտագործել բոլոր առկա ռեսուրսները ՝ Թուրքիային և Ադրբեջանին պատասխանատվության ենթարկելու համար: Եթե վարչակազմը վճռականորեն գործեր հրադադարի հասնելու համար և օգտագործեր այնպիսի լծակներ, ինչպիսիք էին ռազմական օգնության պահպանումը, Ազատության աջակցության մասին օրենքի 907-րդ կետի վերականգնումը և Ադրբեջանի և Թուրքիայի մարդու իրավունքների ոտնահարումները պատժելը, հազարավոր մարդկանց կյանք կարելի էր փրկել և վերադառնալ խաղաղ բանակցություններին: Դա անել չստացվեց:
Մենք պետք է կրկնապատկենք մեր ջանքերը՝ աջակցելու Հայաստանին և Արցախին՝ ընդդեմ Թուրքիայի աղաղակող թշնամանքի և պատասխանատվության ենթարկենք նրանց, որոնք վերջին շաբաթների ընթացքում խաղաղ բնակիչների նկատմամբ վայրագություններ են գործել:
Մենք նաև պետք է կարողանանք անել այնպես, որ Մինսկի խումբը հասնի իսկապես տևական խաղաղության և պնդի տեղահանված հայ խաղաղ բնակիչների ՝ անվտանգ տուն վերադառնալու իրավունքը: Նաև նրանց պետք է տրամադրենք հումանիտար օգնություն»,-ասված է կոնգրեսականի գրառման մեջ:
