azatutyun.am: Անհրաժեշտ է բարձրացնել ԵԱՀԿ դերակատարությունը ղարաբաղյան խնդրի կարգավորման գործընթացում, այսօր հայտարարել է Գերմանիայի արտգործնախարար Հեյկո Մաասը ԵԱՀԿ արտգործնախարարների գագաթնաժողովում։
«Մենք նախկինի նման կարծում ենք, և փոխանցել ենք այս ուղերձը նաև Մոսկվային, որ անհրաժեշտ է օգտագործել Մինսկի խումբը՝ այս հակամարտության տևական կարգավորումը գտնելու համար։ Երկօրյա գագաթնաժողովի ընթացքում բոլորն են հայտարարել ԵԱՀԿ դերը բարձրացնելու պատրաստակամության մասին», – հավելել է Մաասը։
