1lurer.am: Այսօր ժամկետային զինծառայողների ծնողները հանդիպում ունեցան ՀՀ վարչապետ Նիկոլ Փաշինյանի հետ:
Ժամկետային զինծառայողների՝ հանդիպմանը մասնակցած ծնողներից մեկը լրագրողների հետ զրույցում ասաց, որ վարչապետը իրենց ընդառաջել է, լսել իրենց բարձրացրած խնդիրները:
«Եկանք համաձայնության վարչապետի հետ՝ ևս մեկ անգամ հանդիպելու մոտ ժամանակներս»,- ասաց ծնողը՝ նշելով, որ իրենց բարձրաձայնած հարցերի լուծման մասին հիմա դեռ վաղ է խոսել:
«Մենք խոսել ենք ընդհանուր խնդիրներից»,- հավելեց նա:
Նշենք, որ արդեն տևական ժամանակ է՝ ծնողները պարբերաբար ակցիաներ են իրականացնում, հանդիպում տարբեր պաշտոնյաների հետ և պահանջում, որ իրենց զինվորները վերադառնան Հայաստան:
