1lurer.am: Հայաստանի պարագայում կրթական խնդիրները ավելի բարդացան պատերազմական իրավիճակով, երբ մենք, բացի համավարակի պայմաններում կրթությունը շարունակելու խնդիրներից, որպես առաջնահերթություն ունեցանք Արցախի Հանրապետության երեխաների համար կրթության շարունակականության ապահովման հարցը: Այս մասին այսօր հրավիրված ասուլիսում ասաց ՀՀ կրթության, գիտության, մշակույթի և սպորտի նախարարի տեղակալ Ժաննա Անդրեասյանը:
«Այսօր էլ մեր դպրոցներում ԱՀ ավելի քան 7 հազար երեխա ունենք, որոնք շարունակում են կրթվել մեզ մոտ: Իհարկե, մենք ունենք շարունակական փոփոխվող գործընթաց, երբ երեխաները վերադառնում են, և նրանց մեծ մասը՝ շուրջ 70 տոկոսը, վերադարձել է և սովորում է Արցախում»,- հավելեց Անդրեասյանը:
