Ռուսաստանում ԱՄՆ դեսպանն այս շաբաթ մեկնում է ԱՄՆ «խորհրդակցությունների» նպատակով, որպեսզի առկա լարվածության պայմաններում նախագահ Բայդենի աշխատակազմի հետ քննարկի երկու պետությունների փոխհարաբերությունները։ Այս մասին ասված է ՌԴ-ում ԱՄՆ դեսպանատան տարածած հայտարարության մեջ, որը փոխանցում է CNN-ը։
«Կարծում եմ, որ կարևոր է, որ երկկողմանի հարաբերությունների ներկայիս կարգավիճակի մասին անմիջապես ինքս խոսեմ Վաշինգտոնի իմ գործընկերների հետ»,- նշում է դեսպան Ջոն Սալիվանը հայտարարության մեջ՝ հավելելով, որ կվերադառնա Մոսկվա «մոտակա շաբաթների» ընթացքում, նախքան նախագահներ Ջո Բայդենի ու Վլադիմիր Պուտինի հնարավոր հանդիպումը։
Թարգմանությունը՝ Լիլիթ Հարությունյանի
