azatutyun.am: Ռուսաստանի փոխարտգործնախարար Անդրեյ Ռուդենկոն այսօր ժամանել է Բաքու, որտեղ բանակցություններ է անցկացրել Ադրբեջանի փոխարտգործնախարար Խալաֆ Խալաֆովի հետ։

Այս մասին հաղորդում է Ադրբեջանի արտաքին քաղաքական գերատեսչության մամուլի ծառայությունը՝ տեղեկացնելով, որ «ռուսական և ադրբեջանական պատվիրակությունները քննարկել են երկկողմ ռազմավարական գործընկերության օրակարգին վերաբերող հարցեր»։

Նույն աղբյուրի փոխանցմամբ` կողմերը մտքեր են փոխանակել նաև «տարածաշրջանում ծավալված վերջին գործընթացների մասին»։