tert.am: Աբխազիայում Ռուսաստանի 2 քաղաքացի վիրավորվել է հրաձգության հետևանքով, որը բացել է տեղի բնակիչը` Պիցունդա քաղաքի «Սամշիտովայա Ռոշչա» պանսիոնի տարածքում գտնվող «Ապսնի» ռեստորանում: Այս մասին տեղեկացնում է Свободная Пресса հրատարակությունը:
Հանրապետության ՆԳՆ-ն տեղեկացնում է, որ ռուսաստանցիների և տեղի բնակչի միջև վեճ է սկսվել, ինչի հետևանքով վերջինս զբոսաշրջիկներից մեկին ատրճանակից 3 վիրավորում է հասցրել ձախ ոտնաթաթի և երկու ծնկի շրջանում, իսկ մյուսին` 6 վիրավորում ձախ ոտքի շրջանում:
Հաղորդվում է, որ տուժած ռուսաստանցիները ստացել են առաջին բուժօգնություն, որից հետո նրանց տեղափոխել են Ռուսաստանի Դաշնության տարածք` հետագա բուժման նպատակով:
