Վենեսուելայում գտնվող ամերիկացի բոլոր դիվանագետները լքել են երկիրը, թվիթերյան էջում գրել է ԱՄՆ Պետդեպարտամենտի ղեկավար Մայք Պոմպեոն, հաղորդում է Interfax-ը:
Աղբյուրի փոխանցմամբ` Պոմպեոն նշել է, որ ԱՄՆ-ն ընդդիմության առաջնորդ Խուան Գուիդոյին է համարում Վենեսուելայի օրինական առաջնորդ և հույս ունի, որ ամերիկացի դիվանագետները կվերադառնան «ազատ և ժողովրդավարական Վենեսուելա»:
Երեքշաբթի Կարակասը ամերիկացի բոլոր դիվանագետներին պատվիրել էր 72 ժամվա ընթացքում հեռանալ երկրից:
Հիշեցնենք, որ 2019-ի հունվարի վերջին նախագահ Նիկոլաս Մադուրոն հայտարարել էր Միացյալ Նահանգների հետ դիվանագիտական հարաբերությունները դադարեցնելու մասին և հորդորել ամերիկացի դիվանագետներին հեռանալ Վենեսուելայից:
