ՀՀ կառավարությունն այսօրվա նիստի ընթացքում, չզեկուցվող հարցերի փաթեթով կառավարության պահուստային ֆոնդից Ազգային անվտանգության ծառայությանը 101 միլիոն 920 հազար դրամ հատկացրեց, որի արդյունքում, ըստ կառավարության ներկայացրած նախագծի, առավել արդյունավետ կիրա­կանացվեն ծառայության առջև դրված խնդիրների լուծման աշխատանքները:

Հիմնավորման մեջ նշվում է․  որ գումարը տրամադրվում է ՀՀ ԱԱԾ-ի կարիքների համար՝ համապատասխան ծառայությունների և տրանսպորտային սարքավորումների ձեռքբերման նպատակով։ Տրանսպորտային միջոցների բարելավման համար ԱԱԾ-ին հատկացվեց 72 միլիոն դրամ, իսկ ԱԱԾ շենքային ապահովվածության բարելավման համար՝ մոտավորապես 30 միլիոն դրամ։

Նախագծի երկրորդ և երրորդ կետերը հույժ գաղտնի են։