Երեւանի քաղաքապետ Հայկ Մարությանի որոշմամբ՝ Երեւանի Դավթաշեն վարչական շրջանի ղեկավար է նշանակվել Սաշա Կատվալյանը:
Կատվալյանը մինչ այս զբաղեցնում էր այդ վարչական շրջանի ղեկավարի տեղակալի պաշտոնը: Իսկ արդեն նախկին ղեկավար Միքայել Թումասյանի ազատումից հետո իրականացնում էր ժամանակավոր պաշտոնակատարի գործառույթները:
Հիշեցնենք, որ Միքայել Թումասյանը ստանձնելով ԱԺ «Քաղաքացիական պայմանագիր» խմբակցության պատգամավորական մանդատը, դադարեցրել էր վարչական շրջանի ղեկավարի լիազորությունները:
Ըստ համամասնական ցուցակի՝ Թումասյանը հաջորդել էր «Քաղաքացիական պայմանագիր» խմբակցության քարտուղար Նազելի Բաղդասարյանին:
