azatutyun.am: Ֆրանսիայի առողջապահության նախարար Օլիվյե Վերանը հայտնել է, որ ամբողջությամբ պատվաստված մարդկանց մեկուսացման ժամկետը, որոնք COVID-19-ի թեստի դրական պատասխան ունեն, կկրճատվի տասից յոթ կամ հինգ օր՝ կարանտինային ժամանակահատվածում երկրորդ բացասական թեստով:
«Մեկուսացումը կարող է դադարել հինգ օր հետո, եթե կարանտինի ընթացքում թեստը բացասական է ստացվում: Նրանք, ովքեր պատվաստված չեն, ստիպված կլինեն տասը օր ինքնամեկուսացվել՝ նույն պայմաններում յոթ օր հետո կարանտինը դադարեցնելու հնարավորությամբ», – ասել է Վերանը:
«Մենք զգոն ենք լինելու ամբողջ հունվար ամսվա ընթացքում»,- հավաստիացրել է նախարարը։
