armtimes.com: Ազգային ժողովի պատգամավորներ, «Քաղաքացիական պայմանագիր» խմբակցության անդամներ Սեդրակ Թևոնյանը և Սերգեյ Մովսիսյանը հունվարի 4-ին հրաժարականի դիմում են ներկայացրել: «Քաղաքացիական պայմանագրի» համամասնական ցուցակի հաջորդ համարները Լիլիթ Կիրակոսյանը և Էդգար Հակոբյանն են:

Լիլիթ Կիրակոսյանը հաստատեց, որ վերցնելու է պատգամավորական մանդատը։ Հարցին՝ որոշե՞լ է, թե որ հանձնաժողովում է իրականացնելու աշխատանքները, նա ասեց, որ դեռ չի մտածել այդ ուղղությամբ։ Նշենք, որ Լիլիթ Կիրակոսյանը Երևանի «Իմ քայլը» խմբակցության ավագանու անդամ է։