tert.am: Չինաստանում վստահ են, որ կարող են հաղթահարել ամերիկյան վարչակազմի առաջացրած նոր դժվարությունները, որոնք առնչվում են ԱՄՆ-ում չինական ապրանքների ներկրման մաքսատուրքերի բարձրացմանը, հաղորդում է Interfax-ը:
«Չինաստանը լիովին պատրաստ է դիմակայել բոլոր հնարավոր դժվարություններին և մարտահրավերներին Միացյալ Նահանգների հետ տնտեսական և առևտրային հարաբերություններում: Որքան էլ ցավալի են ԱՄՆ-ի գործողությունները, Չինաստանը չի վախենում պայքարելուց և պատրաստ է առևտրային պատերազմի»,- գրել է «Սինհուա» գործակալությունն իր հոդվածում:
Այնուամենայնիվ, գործակալությունը նշել է, որ բանակցությունները լավագույն տարբերակն են հակասությունների լուծման համար:
