Եվրամիությունը վաղը կարող է ընդունել Ռուսաստանի դեմ պատժամիջոցների ևս մեկ փաթեթ: Թվիթերյան իր էջում հայտարարել է ԵՄ արտաքին հարաբերությունների և անվտանգության քաղաքականության հարցերով գերագույն հանձնակատար Ժոզեպ Բորելը։

«Եվրամիության անդամ երկրների արտգործնախարարները Ուկրաինայի հարցով արտահերթ հանդիպման ժամանակ կընդունեն հետագա կոշտ պատժամիջոցներ Ռուսաստանի Դաշնության դեմ՝ ներառյալ ռուսական բանկերի անջատումը SWIFT-ից»,- գրել է նա։