Սլովակիայի դեսպանությունն Ուկրաինայում դադարեցրել է աշխատանքն ու ամբողջությամբ տարհանվել Կիեւից։ Այս մասին հաղորդել է Սլովակիայի արտգործնախարար Իվան Կորչոկը, փոխանցում է տեղի հեռուստաընկերությունը։ Գրում է ՏԱՍՍ-ը։
«Մենք Կիեւից դեսպանատան ամբողջական տարհանում ենք իրականացրել։ Դիվանագիտական ավտոշարասյունը կարճ ճանապարհով Ուկրաինայից գնում է Սլովակիա»,- նշել է պաշտոնյան։
Ավտոշարասյունը բաղկացած է տասը մեքենայից, որոնցում 26 մարդ կա։ Բացի Սլովակիայի դեսպանատան աշխատակիցներից՝ Կիեւից դուրս եկողների մեջ կան նաեւ այլ պետությունների քաղաքացիներ, նրանց թվում՝ բրիտանացի եւ գերմանացի լրագրողներ, նաեւ Ուկրաինայի քաղաքացիներ՝ երեխաների հետ։ Կորչոկը տեղեկացրել է, որ Սլովակիան չեղարկել է առանց վիզայի ռեժիմը Ռուսաստանի հետ, որը գործում էր դիվանագիտական անձնագրեր ունեցողների համար։
