ՄԱԿ-ի Զբոսաշրջության համաշխարհային կազմակերպությունը (UNWTO) կքննարկի Գվատեմալայի, Լիտվայի, Լեհաստանի, Սլովենիայի և Ուկրաինայի խնդրանքը՝ դադարեցնել Ռուսաստանի անդամակցությունը կազմակերպությանը։ Այս մասին ասվում է UNWTO-ի հաղորդագրության մեջ։
«UNWTO-ի գործադիր խորհուրդը կքննարկի կազմակերպությանը Ռուսաստանի անդամակցությունը կասեցնելու մասնակիցների պահանջները»,- ասվում է հայտարարության մեջ։
«Մարտի 8-ին Մադրիդում տեղի կունենա խորհրդի նիստը: Կազմակերպության պատմության մեջ առաջին անգամ գործադիր խորհուրդը կքննարկի նման խնդրանք»,- ասվում է տեքստում:
Փաստաթղթում ասվում է նաև, որ կազմակերպությունը դատապարտում է Ռուսաստանի Դաշնության ռազմական գործողությունը և հանդես է գալիս Ուկրաինայի տարածքային ամբողջականության պահպանման օգտին։
