sport.news.am: Բռնցքամարտի միջազգային ասոցիացիան (սիրողական բռնցքամարտի միջազգային ֆեդերացիա) արգելել է Ռուսաստանի եւ Բելառուսի բռցնքամարտիկների մասնակցությունը միջազգային մրցումների, հաղորդում է կազմակերպության կայքը։

Երկու երկրներում արգելվել են միջազգային մրցումների անցկացումը։ Պատճառը Ռուսաստանի զինված ուժերի ներխուժումն է Ուկրաինա։

Միջազգային օլիմպիական կոմիտեն առաջարկել էր բոլոր մարզաձեւերի միջազգային ֆեդերացիաներին, կազմակերպություններին եւ մրցումների կազմակերպիչներին Ռուսաստանի եւ Բելառուսի մարզիկներին արգելել մասնակցությունը միջազգային մրցումների, իսկ երկու երկրների տարածքներում չանցկացնել միջազգային մրցումներ։