armenpress.am:  Ռուսական խոշորագույն ավիաընկերությունը՝ «Աէրոֆլոտ»-ը մարտի 8-ից դադարեցնում է բոլոր միջազգային չվերթները՝ բացառությամբ դեպի Մինսկ թռիչքների: Այս մասին ասվում է ընկերության տարածած հաղորդագրության մեջ:

Նշվում է, որ ընկերությունը մարտի 6-ից չի թույլատրելու միջազգային թռիչք իրականացնել այն ուղևորներին, որոնք դեպի Ռուսաստան հետադարձ տոմս ունեն՝ մարտի 8-ին հաջորդող ժամանակահատվածի համար:

Նշենք, որ ավելի վաղ Росавиация-ն հայտարարություն էր տարածել՝ ռուսական ավիաընկերություններին խորհուրդ տալով մարտի 6-ից դադարեցնել բոլոր միջազգային թռիչքները՝ արտասահմանում օդանավերի զանգվածային ձերբակալությունների ֆոնին։