azatutyun.am: Միացյալ Նահանգները մեծացնում է իր ներկայությունը Արկտիկայում` զսպելու համար Ռուսաստանի և Չինաստանի «ագրեսիվ» պահվածքը ռեսուրսներով հարուստ այդ տարածաշրջանում:
Այդ մասին հայտարարել է ԱՄՆ պետքարտուղար Մայք Փոմփեոն:
«Տարածաշրջանը դարձել է ուժի և մրցակցության ասպարեզ, և Արկտիկայի ութ պետությունները պետք է հարմարվեն այս նոր ապագային», – երեկ Ֆինլանդիայում Արկտիկայի խորհրդի արտգործնախարարների հանդիպումից առաջ ասել է Փոմփեոն:
Արկտիկայի խորհրդում ընդգրկված են Միացյալ Նահանգները, Ռուսաստանը, Կանադան, Դանիան, Ֆինլանդիան, Իսլանդիան, Նորվեգիան և Շվեդիան:
