ՀՀ վարչապետի աշխատակազմի ղեկավար Էդուարդ Աղաջանյանը տեղեկացրել է, որ Սեպտեմբերի 21-ին ՀՀ Անկախության 28-ամյակին նվիրված համապետական տոնակատարությունների Էպիկենտրոնը լինելու է Գյումրիում։
«Ուրախ եմ տեղեկացնել, որ 2019-ի Սեպտեմբերի 21-ին ՀՀ Անկախության 28-ամյակին նվիրված համապետական տոնակատարությունների Էպիկենտրոնը լինելու է Շիրակի մարզում, մանավորապես՝ ՀՀ մշակութային մայրաքաղաք Գյումրիում:
Այսուհետ ամեն տարի այդ օրվա միջոցառումների զգալի մասը կենտրոնանալու է ՀՀ տասը մարզերից որևէ մեկում:
Խթանենք համաչափ զարգացումն ու ներքին զբոսաշրջությունը»,- Ֆեյսբուքի իր էջում գրել է Աղաջանյանը։
