ՌԴ ԱԳՆ պաշտոնական ներկայացուցիչ Մարիա Զախարովան դժգոհել է, որ Մեծ Բրիտանիան, «ըստ անգլիական վատագույն ավանդույթի, համաձայնություն չի տվել Բուչայում ստեղծված իրավիճակի շուրջ ՄԱԿ-ի Անվտանգության խորհրդի նիստ» անցկացնելու։ Այս մասին նա գրել է իր թելեգրամյան ալիքում։
Զախարովան հավելել է, որ Ռուսաստանը դարձյալ կպահանջի ՄԱԿ-ի Անվտանգության խորհրդի նիստ գումարել։
Հիշեցնենք, որ նախօրեին թե՛ Ուկրաինան, թե՛ Ռուսաստանը պահանջել էին հրավիրել ՄԱԿ-ի Անվտանգության խորհրդի արտակարգ նիստ՝ քննարկելու Բուչայում տեղի ունեցած իրադարձությունները, որոնք երկու երկրները հակառակ կերպ են նկարագրում։
