factor.am: ԱՄՆ Կոնգրեսի հայկական հարցերով հանձնաժողովի համանախագահ Ջեքի Սփիերը հորդորել է Միացյալ Նահանգներին անհապաղ դադարեցնել ցանկացած տեսակի աջակցության տրամադրումն Ադրբեջանին։ Այս մասին նա գրառում է կատարել թվիթերի իր էջում։

«Ալիևը կդադարեցնի ԱԹՍ-ներով իր արյունալի հարձակումներն Արցախի բնակչության դեմ միայն եթե/երբ ԱՄՆ-ն առաջնորդություն և ուժ ցուցաբերի։ Անհապաղ դադարեցրեք ԱՄՆ բոլոր տեսակի աջակցության տրամադրումն Ադրբեջանին, քանի դեռ այն չի վերադարձել բանակցային սեղան»,- գրել է Սփիերը։