Հիմնանորոգմամբ պայմանավորված՝ «Փակ շուկայի» դիմացի ստորգետնյա հետիոտնային անցմումը սեպտեմբերի 2-ից մինչ դեկտեմբերի 25-ը փակ է լինելու:
Ինչպես տեղեկացրին Երևանի քաղաքապետարանից, քաղաքացիների անվտանգ և ապահով տեղաշարժն ապահովելու համար առաջարկվում է օգտվել Խորենացու փողոց-Մաշտոցի պողոտա խաչմերուկի կարգավորվող հետիոտնային անցումից կամ Մաշտոցի պողոտա-Գրիգոր Լուսավորիչ (Պարոնյան) փողոց ստորգետնյա անցումից:
Քաղաքապետարանը պատճառվող ժամանակավոր անհարմարության համար հայցում է քաղաքացիների ներողամտությունը:
