Դավիթ Սանասարյանն ինձ համար արդարության, անկախության, ազատության սիմվոլներից մեկն է, և ես վստահ եմ, որ այս հարցում նա անմեղ է։ Այս մասին 24news-ի հետ զրույցում ասել է ՀՀ ԱԺ «Իմ քայլը» խմբակցության պատգամավոր Ռուստամ Բաքոյանը։
«Չխախտելով անմեղության կանխավարկածը՝ պետք է սպասենք արդյունքներին, սակայն, այն մեղադրանքը, որն առաջադրվել է, այստեղ Դավիթ Սանասարյանը որևէ մեղք չունի»,- նշել է նա։
Անդրադառնալով հարցին, թե հնարավոր է արդյոք, որ դա ԱԱԾ տնօրեն Արթուր Վանեցյանի անբարեխիղճ աշխատանքի հատևանքն է, Բաքոյանն ասել է․ «Այդ մասով որևէ բան ասել չեմ կարող, բայց գուցե հնարավոր է, որ այստեղ որևէ բան այն չէ, և Դավիթ Սանասարյանի նկատմամբ տեղի ունեցող այս պրոցեսներն իրականում ոչ հիմնավորված են»։
