Խորապես անհանգստացած ենք սեպտեմբերի 12-14-ը տեղի ունեցած բախումների ժամանակ ռազմագերիների նկատմամբ բռնության նոր հաղորդագրություններով։ Այս մասին թվիթերյան էջում գրել է ԱՄՆ պետքարտուղարության Եվրոպայի և Եվրասիայի հարցերով բյուրոն։
«Մեղավորները պետք է ենթարկվեն պատասխանատվության ամբողջական ու անաչառ հետաքննության արդյունքներով։ Նշանակալի և դրական առաջընթաց է, որ հոկտեմբերի 4-ին Բաքուն Հայաստանին է վերադարձրել 17 հայ ռազմագերիների»,- նշված է հայտարարության մեջ։
Հիշեցնենք, որ ադրբեջանական տելեգրամյան ալիքներում հոկտեմբերի 11-ին տարածվել էին նոր կադրեր, թե ինչպես են խոշտանգվում գերեվարված հայ զինվորները։
ՄԻՊ աշխատակազմից հայտնել էին, որ տեսանյութի իրադարձությունները տեղի են ունեցել սեպտեմբերի 13-ին Հայաստանի տարածքի վրա ադրբեջանական զինուժի հարձակման ընթացքում։ Տեսանյութում պատկերված հայ ռազմագերիները նույնականացված են։
Իսկ ՄԻԵԴ-ում հայ գերիների շահերի պաշտպան Արտակ Զեյնալյանը հայտնել է, որ զինծառայողների խոշտագումների տեսանյութը նույնականացվել է, այն նկարահանված է սեպտեմբերի 13-ին՝ Վերին Շորժայի մարտական դիրքի բունկերում: Զեյնալյանը նշել է, որ հատուկ նշանակության ջոկատն է օպերացիան իրականացրել, նրանց ևս երկուսին հնարավոր է նույնականացնել, Յաշմայից են նրանք, հնարավոր է նաև պատրաստություն անցած լինեն Թուրքիայում և Հյուսիսային Կիպրոսում
