armtimes.com: Հինգշաբթի օրը՝ նոյեմբերի 10-ին, Իրանում Ադրբեջանի դեսպան Ալի Ալիզադեն կանչվել է Իրանի ԱԳՆ. նրան բողոքի նոտա է փոխանցվել: Այս մասին հայտնում է «Իրնա» լրատվական գործակալությունը։
«Թեհրանում Ադրբեջանի դեսպանը կանչվել է ԱԳՆ՝ կապված ադրբեջանցի պաշտոնյաների հայտարարությունների և ադրբեջանական ԶԼՄ-ներում ոչ բարեկամական հակաիրանական հրապարակումների հետ»,- ասվում է հաղորդագրության մեջ:
«Մենք ակնկալում ենք, որ այս ամենը հնարավորինս շուտ կդադարեցվի, և անհրաժեշտ միջոցներ կձեռնարկվեն՝ դրա կրկնությունը կանխելու համար»,- ասել են Իրանի ԱԳՆ-ում ադրբեջանցի դիվանագետին։
