tert.am: Կիպրոսի արդարադատության և հանրային կարգուկանոնի նախարար Իոնաս Նիկոլաուն երկրում տեղի ունեցած սերիական սպանությունների պատճառով հրաժարական է տվել, հաղորդում է Cyprus Mail-ը:
«Ես հրաժարականի մասին դիմումը ներկայացրել եմ միայն քաղաքական էթիկայի նկատառումներով՝ իմանալով, որ պատասխանատվություն չեմ կրում զեկույցների մշակման համար, իսկ ոստիկանությունն ինձ երբեք դրանց մասին չի տեղեկացրել»,- հայտարարել է Նիկոլաուն:
Երկրի նախագահ Նիկոս Անաստասիադիսը մեծ ափսոսանքով է ընդունել նախարարի հրաժարականը՝ նշելով, որ զրկվում է իր «ամենամտերիմ զինակիցներից» մեկից:
Կիպրոսի նախագահը հայտնել է նաև, որ կառավարությունը պատրաստ է ամբողջությամբ բացահայտել սպանությունները և քննել անհետ կորածների գործը:
