factor.am  Հայաստան-Թուրքիա հարաբերությունների կարգավորման  հարցերով թուրքական կողմի հատուկ ներկայացուցիչ Սերդար Քըլըչը  շնորհակալություն է հայտնել  ՀՀ հատուկ բանագնաց Ռուբեն Ռուբինյանին ջերմ ընդունելության համար։

«Շնորհակալություն ջերմ ընդունելության համար։ Ուրախ եմ կրկին հանդիպելու համար»-գրել է Քըլըչը X-ի իր միկրոբլոգում՝ ի պատասխան Ռուբինյանի գրառման։ Վերջինս էլ նշել էր․ «Ողջունեցի Սերդար Քըլըչին Հայաստանում մեր 6-րդ հանդիպումից առաջ»։

Հիշեցնենք, որ Թուրքիայի հետ հարաբերությունների կարգավորման հարցերով հատուկ ներկայացուցիչ  Սերդար Քըլըչը ժամանել է Հայաստան։ ՀՀ հատուկ բանագնաց Ռուբեն Ռուբինյանը Հայաստան-Թուրքիա սահմանին՝ Մարգարայի անցակետի մոտ, դիմավորել է նրան։