1lurer.am: Հայաստանի ներքին գործերի նախարարությունից «Լուրերին» տեղեկացրել են, որ որոնողափրկարարական աշխատանքներին մասնակցելու համար Հայաստանից Սիրիա է մեկնել 29, Թուրքիա՝ 27 փրկարար:  

Նշենք, որ զոհերի թիվը, ըստ AFP գործակալության տվյալների, գերազանցել է 8000-ը, Թուրքիայում, ըստ այդ երկրի արտակարգ իրավիճաների վարչության, հաստատվել է 6234 զոհ, 37011-ը վիրավորվել են:

Սիրիայում, ըստ Al Arabiya-ի, զոհվել է 2470 մարդ, վիրավորվել 3894-ը։

Հիշեցնենք, որ Թուրքիայում` Սիրիայի սահմանից ոչ հեռու, փետրվարի 6-ի գիշերը 7,8 մագնիտուդ հզորությամբ երկրաշարժ է եղել: Թուրքիայի ու Սիրիայի բազմաթիվ քաղաքներում տեղի են ունեցել ավերվածություններ։ Կան բազմաթիվ զոհեր եւ վիրավորներ։ Գիշերվա ավերիչ երկրաշարժին Թուրքիայում հետևել են հետցնցումներ, որոնցից առավել ուժգիններից մեկը՝ 7,7 մագնիտուդով, մյուսը՝ 5,9։