Գերմանիայում բնակվող ադրբեջանցի ներգաղթյալները փետրվարի 17-ին ակցիա են անցկացրել «Hotel Bayerischher Hof» հյուրանոցի դիմաց, որտեղ անցկացվում էր Մյունխենի անվտանգության համաժողովը։ Այս մասին ադրբեջանական Meydan TV-ին հայտնել է ակցիայի կազմակերպիչներից լրագրող Աֆղան Մուխթարլին։

Աֆղան Մուխթարլիի խոսքով՝ Մյունխենի տեղական ոստիկանությունը իրենց ակցիա անցկացնելու թույլտվություն է տվել։ Նա հավելել է, որ երբ Ադրբեջանի նախագահ Իլհամ Ալիևը և նրա օգնական Հիքմեթ Հաջիևը շենք են եկել, իրենք սկսել են վանկարկել «Ազատություն քաղբանտարկյալներին», «Ալիևը բռնապետ է»։