ՌԴ ՊՆ-ն Արցախում խաղաղապահների գործունեության մասին տեղեկագրում հրադադարի ռեժիմի մեկ խախտում է արձանագրել Շուշիի շրջանում։
«Այս փաստով ռուսական խաղաղապահ զորախմբի հրամանատարությունը հետաքննություն է իրականացնում», – նշվում է հաղորդագրության մեջ։
Գերատեսչությունը հայտնում է նաև, որ Գորիս-Ստեփանակերտ երթուղիով մարդասիրական բեռներով ավտոշարասյուն է ուղեկցվել։
Ավելի վաղ Արցախի ՊՆ մամուլի ծառայությունից հայտնել էին, որ Ադրբեջանի ԶՈւ-ն շփման գծի արևելյան և հարավ-արևմտյան ուղղությամբ խախտել է հրադադարը` կիրառելով հրաձգային զենք և ՁՀՆ֊7 նռնականետ։
