Երևանի ընդհանուր իրավասության դատարանի Շենգավիթ նստավայրում կայացել է «Վերարտադրողական առողջության պերինատոլոգիայի, մանկաբարձության և գինեկոլոգիայի հանրապետական ինստիտուտի» տնօրեն Ռազմիկ Աբրահամյանի և Առողջապահության նախարարի նախկին տեղակալ Արսեն Դավթյանի գործով դատական նիստը: Ռազմիկ Աբրահամյանը մեղադրվում է առողջապահության նախկին նախարարի տեղակալին կաշառք տալու, իսկ Արսեն Դավթյանը՝ կաշառք ստանալու համար։Նիստի ավարտից հետո արդեն Ռազմիկ Աբրահամյանի պաշտպան Սամվել Դիլբանդյանը լրագրողներին հայտնել է, որ Աբրահամյանը ընդունել է իր մեղքը: |armenpress.am|
Ազգային անվտանգության ծառայությունը ՀՀ ֆինանսների նախկին նախարար, ՊԵԿ նախկին նախագահ Գագիկ Խաչատրյանի կալանքի ժամկետը ևս երկու ամսով երկարացնելու մասին միջնորդություն է ներկայացրել դատարան: Խաչատրյանը մեղադրում է Քրեական օրենսգրքի 308-րդ հոդվածի 2-րդ մասով (պաշտոնեական լիազորությունները չարաշահելը, որն անզգուշությամբ առաջացրել է ծանր հետևանքներ) և 179-րդ հոդվածի 3-րդ մասի 1-ին կետով (առանձնապես խոշոր չափերով վատնում կատարելը): |armenpress.am|
Ոստիկանության Իջևանի բաժնի հետաքննության բաժանմունքում նախապատրաստված նյութերի շրջանակում ձեռնարկված հետախուզական միջոցառումներով փաստական տվյալներ են ձեռք բերվել Լուսաձոր համայնքում կատարված ապօրինությունների վերաբերյալ։ Ըստ քննությանը հայտնի տվյալների՝ համայնքի ղեկավարը, պաշտոնեական դիրքը ծառայության շահերին հակառակ օգտագործելով, 2017-ից 2019 թվականների ընթացքում կազմակերպել է ձևական աճուրդներ և տարբեր մակերեսներով գյուղատնտեսական ու էներգետիկ նշանակության հողատարածքներ է վաճառել տարբեր անձանց, այդ թվում՝ որդուն։ Նյութերի նախապատրաստման ընթացքում բացահայտվել է ձևական աճուրդի 7 դրվագ։ Վաճառված հողատարածքների գումարը ընդհանուր 1 միլիոն 700 հազար դրամից ավելի է։ Դեպքերի առթիվ ոստիկանության Իջևանի բաժնում պաշտոնեական կեղծիքի հատկանիշներով քրեական գործ է հարուցվել , որն ուղարկվել է Տավուշի մարզի դատախազություն։[ՀՀ ոստիկանություն]
Համաձայնագիրը 2017թ. նախաստորագրվել է, սակայն Brexit-ի պատճառով հնարավոր չէր վերջնական ստորագրել այն: Նախատեսվում է, որ Հայաստանի և ԵՄ-ի միջև ընդհանուր ավիացիոն գոտու մասին համաձայնագիրը կստորագրվի այս տարվա ընթացքում: Համաձայնագրով` Եվրոպայի ողջ օդային շուկան կդառնա մեկ ամբողջական, և կարիք չի լինի առանձին-առանձին պայմաններ հստակեցնել: [Տաթևիկ Ռևազյանը՝ ՀՀ և ԵՄ-ի միջև ընդհանուր ավիացիոն գոտու մասին համաձայնագրի մասին]
Քննիչը և դատախազը անհամաձայնություն ունեն մեղադրյալների կատարած արարքի որակի հետ կապված: Խոսքը վերաբերվում է արարքի միայն իրավաբանական որակմանը: Ձեռք բերված ապացույցների առումով որևէ տարակարծություն չկա: Մենք դատախազությունից ցուցումը ստացել ենք, մեր առարկությունը մերժել են և, բնականաբար, կվերաորակավորենք այն հոդվածով, որի ցուցումն է տվել դատախազություն: [ՀՔԾ պետ Սասուն Խաչատրյանը՝ Արա Բաբլոյանի և ԱԺ աշխատակազմի ղեկավարի նախկին տեղակալ Արսեն Բաբայանի կատարած արարքի որակի հետ կապված քննիչի և դատախազի անհամաձայնության մասին] |armenpress.am|
Քաղաքացին, օգտվելով Երևանի քաղաքապետարանի նախկին պաշտոնատար անձանց կողմից իրենց ծառայության նկատմամբ անբարեխիղճ վերաբերմունք դրսևորելու և անգործություն ցուցաբերելու հանգամանքից, խաբեությամբ՝ ընդամենը 16․623․430 դրամ վճարելով հափշտակել է ընդհանուր 51․347,000 դրամ կադաստրային արժեքով 11․350 քմ մակերեսով հողատարածքը, ինչի հետևանքով պետությանը պատճառվել է առանձնապես խոշոր չափերի՝ 34․723․560 դրամի վնաս։ Փաստի առթիվ հարուցվել է քրեական գործ, որն ուղարկվել է քննչական կոմիտե՝ նախաքննության։ [ՀՀ ոստիկանություն]
Վ. Ն.-ին ՀՀ քրեական օրենսգրքի 309-րդ հոդվածի 2-րդ մասով մեղադրանք է առաջադրվել այն հանցավոր արարքի համար, որ նա, 2008 թվականի նոյեմբերին զբաղեցնելով ՀՀ ոստիկանության Երևան քաղաքի վարչության Արաբկիրի բաժնի քրեական հետախուզության բաժանմունքի պետի պաշտոնը, խմբով, դիտավորությամբ կատարել է բռնությամբ և հատուկ միջոցի գործադրմամբ զուգորդված այնպիսի գործողություններ, որոնք ակնհայտորեն դուրս են եկել նրա լիազորությունների շրջանակից և էական վնաս պատճառել անձի իրավունքներին ու պետության օրինական շահերին: Ըստ առաջադրված մեղադրանքի` Վ. Ն.-ն 2008 թվականի նոյեմբերի սկզբին` իր աշխատասենյակում, նույն բաժանմունքի ծառայողների մասնակցությամբ, բնակարանային գողության փորձ կատարելու դեպքի շուրջ զրուցել է հիշյալ հանցագործությունը կատարելու կասկածանքով ոստիկանության բաժին բերման ենթարկված Արմեն Մարտիրոսյանի հետ: Վերջինիս կողմից դեպքին առնչություն ունենալու հանգամանքը հերքելուց հետո Վ. Ն.-ն և ոստիկանության մի շարք այլ ծառայողներ, գողության փորձ կատարելու դեպքը խոստովանելու պահանջ ներկայացնելով, Արմեն Մարտիրոսյանին գցել են գետնին, գլխին անցկացրել հակագազ և ձեռքերով ու մահակով հարվածներ հասցրել նրա մարմնի տարբեր մասերին՝ պատճառելով ֆիզիկական ցավ: Նախաքննությունը շարունակվում է:[ՀՔԾ]
Վարչապետ Նիկոլ Փաշինյանի այսօրվա որոշմամբ, Արազ Պապիկյանը նշանակվել է Քաղաքաշինության, տեխնիկական և հրդեհային անվտանգության տեսչական մարմնի ղեկավարի տեղակալ։
«Հանրապետական» ծննդատան տնօրեն Ռազմիկ Աբրահամյանի պաշտպանը հայտնել է, որ Աբրահամյանին նոր մեղադրանք առաջադրելու որոշման մեջ քննիչը ներկայացրել է նոր դրվագներ։ Ըստ պաշտպանի՝ բոլոր նոր դրվագները, ինչպես նախորդները, հորինված են, մեղադրանքը խստացնելու որևէ հիմք չկար, չի ներկայացվել որևէ ապացույց, որը կվկայեր կազմակերպված խմբի առկայության մասին, ծնողները հրաժարվել են, երեխաներին տարել մանկատուն, ինչից հետո եկել, ասում են՝ ո՞ւր են մեր երեխաները: |armtimes.com|
✅ Պատվաստվե´ք սեզոնային գրիպի դեմ՝ դիմելով Ձեր հաշվառման պոլիկլինիկա,
✅ խուսափե´ք գրիպանման երևույթներով մարդկանց հետ շփումից,
✅ եթե հիվանդ եք՝ մնացե´ք տանը, հատկապես՝ գրիպանման երևույթներ ունեցող երեխաներին մի´ թույլատրեք հաճախել դպրոց և մանկապարտեզ՝ ապահովելով բժշկի կողմից խորհրդատվությունը և բուժումը,
✅ եթե հիվանդ եք, հրավիրեք տեղամասային մանկաբույժին, թերապևտին կամ ընտանեկան բժշկին և մի´ զբաղվեք ինքնաբուժմամբ,
✅ մի´ օգտագործեք հակաբիոտիկներ, քանի որ դրանք ցուցված չեն գրիպի և սուր շնչառական վարակների բուժման համար, եթե չեն նշանակվել բժշկի կողմից։ [Արսեն Թորոսյանը՝ քաղաքացիներին]
Իրանում կորոնավիրուս հայտնաբերելու դեպքերի հետ կապված «Մեղրի» անցակետում հսկողությունն էլ ավելի է ուժեղացվել, որպեսզի կանխվի համաճարակի՝ Հայաստան ներթափանցումը: Մյուս անցակետերում ևս հսկողություն է սահմանված։ Հատկապես Չինաստանից եկողների համար լրացվում են հասցեական քարտեր, ստուգվում է բոլորի առողջական վիճակը, իսկ 37 և ավելի ջերմության դեպքում՝ մեկուսացվում և հոսպիտալացվում են։ [ԱԱՏՄ]|tert.am| |tert.am|
Իրանի առողջապահության նախարարությունը կորոնավիրուսով վարակման ևս 13 դեպք Է գրանցել երկրում: Այդպիսով, գրանցված դեպքերի ընդհանուր թիվը հասել Է 18-ի, որոնցից երկուսը՝ մահվան ելքով: |armenpress.am|
Վարչապետ Նիկոլ Փաշինյանի որոշմամբ Ռուզաննա Ոսկանյանը նշանակվել է ՀՀ շրջակա միջավայրի նախարարության «Բնապահպանական ծրագրերի իրականացման գրասենյակ» պետական հիմնարկի տնօրենի պաշտոնակատար:
Այս տարի կառավարությունը կայացրել էր մի շատ կարևոր որոշում՝ կազմակերպություններին վերադարձնելով նախորդ տարիներից կուտակված ավելացված արժեքի հարկի դեբետային մնացորդները։ Եթե այդ գումարները վերադարձված չլինեին, ՀՆԱ-ի աճը 2019 թ․ համար կլիներ առնվազն 0,4 - 0,5 տոկոսային կետով ավելի բարձր։ 7,6 տոկոսի փոխարեն կկազմեր 8 կամ 8,1 տոկոս, այսինքն՝ համահունչ այն կանխատեսումներին, որոնք հնչեցվել էին մեր կողմից վերջերս։ [ էկոնոմիկայի նախարար Տիգրան Խաչատրյան] |armenpress.am|
Դ. Տոնոյանը խորհրդակցություն է անցկացրել ՌՈ-ում, քննարկվել են զինվորական ծառայության ընթացքում մահվան ելքով դեպքերի, դրանց կանխարգելման, առկա օպերատիվ իրավիճակի հարցեր: Տոնոյանը հրաժեշտ է տվել ՌՈ նախկին պետ, գեներալ-մայոր Արթուր Բաղդասարյանին, որից հետո պաշտոններից ազատվել են մի քանի բաժնի պետեր: Նախարարը ՌՈ պետի օպերատիվ գծով տեղակալ, գնդապետ Ալեքսանդր Աղաջանյանին հանձնարարել է ժամանակավոր կատարել ՌՈ պետի պաշտոնական պարտականությունները: Նա պահանջել է կտրուկ բարձրացնել օպերատիվ հետախուզական աշխատանքների որակը։ [ՊՆ խոսնակ Արծրուն Հովհաննսիյան]
Դատախազությունը մերժել է «5-րդ» ալիքի սեփականատեր Արմեն Թավադյանին անձնական երաշխավորությամբ ազատ արձակելու միջնորդությունն այն պատճառով, որ քննության ներկա փուլում որևէ այլ խափանման միջոց, այդ թվում նաև՝ անձնական երաշխավորությունը, ի զորու չէ կանխելու մեղադրյալի ոչ իրավաչափ վարքագիծը եւ չեզոքացնելու Թավադյանի նկատմամբ դատարանի կողմից կալանավորումը` որպես խափանման միջոց, ընտրելու մասին որոշմամբ արձանագրված հիմքերը։ Թավադյանի համար երաշխավորել էին Արցախի նախկին ՄԻՊ Ռուբեն Մելիքյանը, ՀՀ առաջին ՄԻՊ Լարիսա Ալավերդյանը, Արդարադատության նախկին նախարար Արփինե Հովհաննիյանը և այլք։ |armtimes.com|
«Բավրա» մաքսակետի հերթափոխի պետ Դավիթ Հակոբջանյանի կալանավորման որոշումը բողոքարկվել է Վերաքննիչ դատարան: Հակոբջանյանը, հիշեցնենք, մեղադրվում է ՀՀ ՔՕ-ի 308-րդ հոդվածի 1-ին մասով (պաշտոնեական լիազորությունները չարաշահելը) եւ 311-րդ հոդվածի 4-րդ մասի 2-րդ կետով (առանձնապես խոշոր չափերով կաշառքը): |armtimes.com|
Փետրվարի 24-ին պաշտոնական այցով Հայաստան կայցելի Սլովակիայի արտաքին և եվրոպական գործերի նախարար Միրոսլավ Լայչակը։ Նույն օրը առավոտյան նախատեսվում է Հայաստանի արտգործնախարար Զոհրաբ Մնացականյանի և Միրոսլավ Լայչակի հանդիպումը, որի ավարտից հետո՝ տեղի կունենա նախարարների համատեղ ասուլիսը։ Այցի շրջանակում տեղի կունենա Երևանում Սլովակիայի դեսպանատան պաշտոնական բացման արարողությունը։
Մենք փոքր շուկա ունենք, եթե թույլ տանք ազատ մրցակցության պայմաններում տեղական արտադրողին չպաշտպանել, միանգամից կկորցնենք արտադրողին, որովհետև նրա համար առաջին խթանն այն է, որ իր արտադրանքը գնվի մրցույթի պայմաններում: Որևէ երկրում չեք տեսնի, որ տեղական արտադրողին չխրախուսեն, ՀՀ-ում չեն խրախուսում։ [«Բարգավաճ Հայաստան» խմբակցության պատգամավոր Սերգեյ Բագրատյանը՝ «Պետական գնումների համակարգի հիմնախնդիրները և դրանց լուծման ուղիները» թեմայով խորհրդարանական լսումներին] |tert.am|
Իրանում փետրվարի 21-ին անցկացնում են 11-րդ գումարման Մեջլիսի ընտրությունները: Իրանի Մեջլիսն ունի 290 անդամ, որից 5-ը ներկայացնում են կրոնական փոքրամասնությունները: Հայ համայնքին խորհրդարանում հատկացված է երկու տեղ: Մեկ տեղը հարավային, մյուսը՝ հյուսիսային իրանահայության համար է: Հյուսիսային հատվածում մեկ տեղի համար պայքարում է 4 հայ թեկնածու՝ Արա Շահվերդյանը, Ալբերտ Պողոսյանը, Արիս Շահբազյանը, Սևան Սոհրային: Հարավային հատվածում մեկ տեղի համար պայքարում են Ռոբերտ Բեգլարյանն ու Էմին Հովսեփը։ |armenpress.am|
Սիրիայի Իդլիբ նահանգում տեղակայված զինված ընդդիմադիր խմբավորումները ռազմական գործողություն են սկսել Սիրիայի կառավարական բանակի դեմ: Ընդդիմադիր զինյալները մուտք են գործել Սարակիբ շրջանի Նեյրաբ գյուղ, որտեղ կատաղի մարտեր են ընթանում: Ըստ թուրքական աղբյուրի՝ ընդդիմադիր զինյալները կարողացել են ոչնչացրել են կառավարական ուժերին պատկանող մեկ տանկ, մեկ զինվորական անձնակազմ տեղափոխող զրահամեքենա, ևս մեկ տանկ գրավել են: |ermenihaber.am|
Wikileaks կայքի հիմնադիր Ջուլիան Ասանժի պաշտպանության ներկայացուցիչները դիմել են Ֆրանսիային վերջինիս քաղաքական ապաստան տրամադրելու խնդրանքով: Նրանք Ֆրանսիայից պահանջում են ապաստան տրամադրել՝ հիմք ընդունելով այն փաստը, որ այդ երկիրը մարդու իրավունքների հայրենիքն է. Wikileaks-ի կառույցների մի մասը հենց Ֆրանսիայում: Ներկայում Լոնդոնի դատարանը պատրաստվում է սկսել Ասանժի՝ ԱՄՆ արտահանձնման գործի քննությունը, որտեղ նա մեղադրվում է «ԱՄՆ-ի պատմության մեջ խոշորագույն» գաղտնի տեղեկությունների բացահայտման հետ կապված հանցագործություններում: |tert.am|
Ձևավորվում է Ղարաբաղի հարցի բանակցային նոր բովանդակություն, որ ես պայմանականորեն կոչում եմ Մյունխենյան սկզբունքներ։ Մյունխենյան սկզբունքները հետևյալն են․
1․ Ղարաբաղը անկախություն է ստացել այնպես, ինչպես Ադրբեջանը։ Երբ խոսում են երկրի տարածքային ամբողջականության մասին, ո՞ր երկրի տարածքի մասին են խոսում, երբ Ադրբեջանը անկախություն է ձեռք բերել, հարգե՞լ է Խորհրդային միության տարածքային ամբողջությունը։ Խորհրդային պետություն այլևս գոյություն չունի, և գոյություն չունի նաև այն պետությունը, որի կազմում եղել է Արացախը, այդ պետությունը Ադրբեջանի Խորհրդային Սոցիալիստական Հանրապետությունն է։
2․ Լեռնային Ղարաբաղը կոնֆլիկտի բանակցային կողմ է, առանց որի բանակցելու հնարավոր չէ լուծել կոնֆլիկտը։
3․ Չկան տարածքներ, կա անվտանգություն, Լեռնային Ղարաբաղը չի կարող զիջել անվտանգությունը։ [Փաշինյանը՝ Մյունխենում Ադրբեջանի նախագահի հետ հանդիպման մասին] |Հանրային հեռուստաընկերություն|
Հանրությունը դատական իշխանության կայացրած որոշումների պատասխանատվությունը շարունակում է դնել կառավարության վրա, որովհետև կա տոտալ անվստահություն դատական համակարգի նկատմամբ։ Մարդիկ տեսել են, որ ՀՀ-ում դատական համակարգը, այդ թվում՝ ՍԴ-ն, անկախ չէ, որովհետև ՍԴ-ն ուղղակի կամ անուղղակի մասնակցել է բոլոր նախագահական և խորհրդարանական ընտրություններում ժողովրդի կամարտահայտման դեֆորմացմանը։ Մենք ասում ենք՝ եկեք ձևավորենք անկախ դատական համակարգ, որ երբ ՍԴ-ն, առաջին ատյանի դատարանը ինչ-որ բան կորոշեն, մենք չսկսենք քննարկել, թե ով ինչ ազդեցություն գործեց, այլ ասենք՝ մեր դատարանը որոշել է, քննարկման ենթակա չէ։ [Նիկոլ Փաշինյան] |Հանրային հեռուստաընկերություն|
Գլոբալ սահմանադրական փոփոխությունները շատ լուրջ, խորքային, բովանդակային փոփոխություն են ենթադրում, և երբ խոսում ենք սահմանադրական փոփոխությունների մասին, խոսում ենք գործող Սահմանադրության զարգացման մասին, իսկ գործող Սահմանադրությունը զարգացնել հնարավոր չէ, եթե գործող Սահմանադրությունը դե ֆակտո չի մտել ուժի մեջ։ Մենք ուզում ենք այսօր եղած Սահմանադրությունը բերել ուժի մեջ և ունենալ սահմանադրական իրականություն։ [Փաշինյանը՝ ի պատասխան այն հարցի, թե ինչու է սահմանադրական միայն մեկ հարցը դրվում հանրաքվեի] |Հանրային հեռուստաընկերություն|
Իրանի կառավարությունը կորոնավիրուսի դեմ պայքարի եւ դրա կանխարգելման գրասենյակ է բացել։ Այս մասին հայտնել է Իրանի կառավարության խոսնակ Ալի Ռաբիեյը։ Նախօրեին Իրանի Կում քաղաքում կորոնավիրուսից 2 մարդ էր մահացել, այսօր հայտնի էր դարձել երեք նոր դեպքի մասին:
ՀՀ հատուկ քննչական ծառայությունում հարուցվել է քրեական գործ` 2020 թվականի փետրվարի 13-ին «hraparak.am» կայքում հրապարակված «Սուրեն Պապիկյանը թաքցրել է իր դատվածության փաստը» վերտառությամբ և 2020 թվականի փետրվարի 14-ին «lragir.am» կայքում հրապարակված «Սուրեն Պապիկյանն ակնարկել է, թե ով է իր մասին գաղտնի տեղեկության արտահոսք կազմակերպել» վերտառությամբ հոդվածների առթիվ նախապատրաստված նյութերի հիման վրա: Քրեական գործը հարուցվել է ՀՀ քրեական օրենսգրքի 144-րդ հոդվածով և 308-րդ հոդվածի 1-ին մասով` պետական ծառայություն իրականացնող պաշտոնատար անձի կողմից իր պաշտոնեական լիազորությունների չարաշահմամբ մարդու անձնական կյանքի գաղտնիք համարվող, ոչ հանրամատչելի տեղեկությունն ապօրինի հավաքելու, պահելու և այլ անձի կողմից այդ տեղեկությունն ապօրինի տարածելու ենթադրյալ հանցագործության դեպքի առթիվ: [ՀՔԾ]
ՍԱՏՄ մասնագետ-տեսուչները վերահսկողություն են իրականացրել «Ագրոպրոդ» ՍՊԸ-ին պատկանող կաթնամթերքի արտադրամասում (այս ընկերությունը եղել է մի շարք մանկապարտեզների կաթնամթերքների մատակարարը)։ Պարզվել է, որ սննդամթերքի հետ անմիջական շփման մեջ գտնվող սարքավորումները, գործիքներն ու այլ պարագաները չեն պահվել մաքուր և նորոգ վիճակում, չեն ենթարկվել պատշաճ ախտահանման։ Անձնակազմը չի պահպանել անձնական հիգիենայի կանոնները և չի կրել համապատասխան հագուստ, նրանցից երկուսը չեն ունեցել սանիտարական գրքույկներ, չեն ենթարկվել նախնական և պարբերական բժշկական զննության։ Տեսչական մարմինը կասեցել է «Ագրոպրոդ» ՍՊԸ-ի գործունեությունը, տրվել է ժամկետ թերությունները վերացնելու համար:
Դիլիջանի թիվ 2 հիմնական դպրոցի պաշտոնատար անձինք 2009- 2013 թթ․ 3 անձի դպրոցի հնոցապան են ձևակերպել։ Նրանք աշխատանքի չեն ներկայացել, սակայն նրանց անվամբ աշխատավարձ է դուրս գրվել։
Եվս 2 բնակչուհու ձևակերպել են դպրոցի պահակ, ապա տրամադրել նախածննդյան ու հետծննդյան արձակուրդներ։ Այդ ընթացքում նրանց պարտականությունները կատարել է մեկ ուրիշը։ Յուրացվել է ընդհանուր 2 միլիոն 287 գազար դրամից ավելի գումար։ Հարուցվել է քրեական գործ։ [Ոստիկանության Դիլիջանի բաժին]
1988-ի այս օրը ԼՂԻՄ-ի մարզային խորհուրդը որոշում ընդունեց մտնել Հայաստանի կազմի մեջ, ինչին իր լիարժեք աջակցությունը հայտնեց ոչ միայն Հայաստանի ժողովուրդը, այլև ողջ աշխարհի համայն հայությունը: Փետրվարի 20-ի իրադարձությամբ ձևավորված համաժողովրդական շարժմամբ հայ ժողովուրդը կրկին անգամ ցույց տվեց իր միասնությունը, կարևորագույն պահերին որպես մեկ միասնական բռունցք համախմբվելու և վճռականությամբ գործելու կարողությունը՝ հանուն ազգային նպատակների իրականացման: Ազգերի ինքնորոշման իրավունքի իրականացումը և ժողովրդավարական ազատություններն ինչպես 1988-ին, այնպես էլ այսօր շարունակում են մեզ համար մնալ հստակ նպատակակետ: [Վարչապետի ուղերձը՝ Արցախի վերածննդի օրվա կապակցությամբ]
Իրանում արձանագրվել է կորոնաիրուսով վարակվելու 5 դեպք։ ՀՀ Առողջապահական և աշխատանքի տեսչական մարմնին առաջարկվել է «Մեղրի» անցակետում էլ ավելի ուժեղացնել հսկողությունը՝ հանրապետությունում կայուն համաճարակային իրավիճակ ապահովելու համար:
«Ոչ»-ի շտաբի նախաձեռնող խմբի ներկայացուցիչ, փաստաբան Արսեն Մկրտչյանի փոխանցմամբ ապրիլի 5-ին կայանալիք սահմանադրական փոփոխությունների հանրաքվեին «Ոչ»-ի շտաբը դասական իմաստով քարոզչություն չի իրականացնելու: Այն իրավաբանների միություն է, որը չի ներկայացնում քաղաքական ուժ կամ ուժեր և պատրաստակամություն է հայտնել տրամադրել հարթակներ այն ուժերին, որոնք կցանկանան քարոզել «Ոչ»-ը: |tert.am| |tert.am|
«Վերարտադրողական առողջության, պերինատոլոգիայի, մանկաբարձության և գինեկոլոգիայի հանրապետական ինստիտուտի» տնօրեն Ռազմիկ Աբրահամյանին նոր մեղադրանք է առաջադրվել Քրեական օրենսգրքի 167-րդ հոդվածի 3-րդ մասի հատկանիշներով, այսինքն՝ երեխային առանց ծնողների համաձայնության նրանցից բաժանելը, որը կատարվել է կազմակերպված խմբի կողմից։ Նախկինում Աբրահամյանը մեղադրվում էր Քրեական օրենսգրքի 167-րդ հոդվածի 2-րդ մասի 2-րդ կետով։ Այսինքն՝ նրա մեղադրանքը խստացվել է։ ՔԿ-ն Աբրահամյանին կալանավորելու միջնորդություն է ներկայացրել դատարան, որը բավարարվել է, սակայն նրա նկատմամբ որպես այլընտրանքային խափանման միջոց կիրառվել է գրավ՝ 5 մլն դրամի չափով: |hetq.am| |hetq.am|
2018 թ․ նախընտրական գործընթացի ընթացքում ես արել եմ հետևյալ քաղաքական հայտարարությունը, որ առաջիկա 5 տարիների ընթացքում մենք պետք է 2,5 մլրդ դոլար հավելյալ միջոցներ ծախսենք մեր անվտանգության կարիքների վրա, մասնավորապես, ԶՈՒ մարտունակության ու սպառազինության մակարդակը բարձրացնելու համար: Այդ 2,5 մլրդ դոլարից 1,5-ը պետք է գոյանա հակակոռուպցիոն արդյունավետ պայքարի միջոցով, այդ թվում՝ գողացված միջոցների ետբերման գործընթացի միջոցով։ [Նիկոլ Փաշինյանը՝ կառավարության նիստին] |armenpress.am|
ՀՀ Գլխավոր դատախազ Արթուր Դավթյանը աշխատանքային հանդիպում է ունեցել ԱՀ ՊԲ հրամանատարության, միավորումների և զորամասերի հրամանատարների ու ռազմաիրավապահ մարմինների ներկայացուցիչների հետ: Քննարկվել են զինված ուժերում վերջին շրջանում տեղ գտած արտակարգ դեպքերին ու զորքերում կարգապահության ամրապնդմանը վերաբերող հարցեր:
ՀՀ կառավարության որոշմամբ ՄԻԵԴ-ում «Աղանյանը և այլք ընդդեմ Հայաստանի» գործով 2019թ․ դեկտեմբերի 5-ի վճռի պահանջները կատարելու նպատակով ՀՀ 2020թ․ պետական բյուջեով նախատեսված կառավարության պահուստային ֆոնդի հաշվին ՀՀ վարչապետի աշխատակազմին կհատկացնի 242 հազար եվրոյին համարժեք դրամ` 22 դիմումատուներին (յուրաքանչյուրին 11 հազար եվրո) վճռով սահմանված հատուցման համար:
ՀՀ կառավարության որոշմամբ ՄԻԵԴ-ում «Աղանյանը և այլք ընդդեմ Հայաստանի» գործով 2019թ․ դեկտեմբերի 5-ի վճռի պահանջները կատարելու նպատակով ՀՀ 2020թ․ պետական բյուջեով նախատեսված կառավարության պահուստային ֆոնդի հաշվին ՀՀ վարչապետի աշխատակազմին կհատկացնի 242 հազար եվրոյին համարժեք դրամ` 22 դիմումատուներին (յուրաքանչյուրին 11 հազար եվրո) վճռով սահմանված հատուցման համար: |armenpress.am|
ՀՀ Շրջակա միջավայրի նախարարության կողմից «Լիդիան Արմենիա» ընկերությանը տրվել է Արփա գետից 11լ/վ ծավալով ջրառի թույլտվություն։ Ընկերությունը նախկինում 2 անգամ դիմել է Արփա գետից երկարաժամկետ գործունեության համար անհրաժեշտ ավելի մեծ ծավալով ջրառի համար և մերժվել։ «Լիդիան»-ի նախագահի ժպ Էդվարդ Սելլերսը նշել է, թե գնահատելի է, որ կառավարությունը տրամադրել է ջրօգտագործման թույլտվությունը, բայց ընկերությունը շրջափակման պատճառով դեռևս զրկված է իր տարածք մուտք գործելու հնարավորությունից և չի կարողացել ներգրավել Ամուլսարի ծրագրի շինարարության ավարտի համար անհրաժեշտ լրացուցիչ ֆինանսավորում։ |tert.am|
ՀՀ կառավարության որոշմամբ ՄԻԵԴ-ում «Աղանյանը և այլք ընդդեմ Հայաստանի» գործով 2019թ․ դեկտեմբերի 5-ի վճռի պահանջները կատարելու նպատակով ՀՀ 2020թ․ պետական բյուջեով նախատեսված կառավարության պահուստային ֆոնդի հաշվին ՀՀ վարչապետի աշխատակազմին կհատկացնի 242 հազար եվրոյին համարժեք դրամ` 22 դիմումատուներին (յուրաքանչյուրին 11 հազար եվրո) վճռով սահմանված հատուցման համար:
Կառավարությունը որոշեց 2020 թվականի ապրիլի 5-ին կայանալիք` Հայաստանի Հանրապետության Սահմանադրության փոփոխությունների հանրաքվեի նախապատրաստման և անցկացման ծախսերը ֆինանսավորելու համար 2020 թվականի պետական բյուջեով նախատեսված կառավարության պահուստային ֆոնդի հաշվին հատկացնել 3 մլրդ 447 հազար դրամ։
Օրվա անվանումը լիովին փոխանցում է այն, ինչ տեղի էր ունենում Ստեփանակերտի կենտրոնական հրապարակում 1988թ. փետրվարի 20-ին: Այդ օրը վերածնվում էր ոչ միայն Արցախը, այլև՝ հայկական երազանքը, անկախ պետականության գաղափարը: Ավելի քան մեկ ամիս հետո տեղի ունենալիք Արցախի Հանրապետության նախագահի և ԱԺ հերթական ընտրությունների հիմքում հենց արցախյան շարժումն է, 32 տարի առաջ Ստեփանակերտի կենտրոնական հրապարակում ազդարարված որոշումը՝ ազատ և անկախ ապրելու որոշումը: [Արմեն Սարգսյանը շնորհավորել է Արցախի վերածննդի օրվա առթիվ]
1988-ի փետրվարի 20-ին Ստեփանակերտում տեղի ունեցավ ԼՂԻՄ մարզային խորհրդի արտահերթ նստաշրջանը, որն իրավական ուժ հաղորդեց մեր ժողովրդի բազմամյա նկրտումներին: Նստաշրջանը տեղի ունեցավ՝ չնայած բռնատիրական Ադրբեջանի բիրտ ճնշումներին, և ընդունվեց որոշում, որի համար մեր ժողովուրդը պայքարում էր տասնամյակներ շարունակ: Դա պայքար էր՝ ուղղված պատմական արդարության վերականգնմանը, մարդու իրավունքների ու ազատությունների, համամարդկային ու ազգային արժեքների պաշտպանությանը: Դա պայքար էր, որի համար ոտքի էր ելել համայն հայությունը։ [Բակո Սահակյանը շնորհավորել է Արցախի վերածննդի օրվա առթիվ]
ՀՀ ԶՈՒ ԳՇ պետը պաշտոնական այցով Վրաստանում է: Գեներալ-լեյտենանտ Արտակ Դավթյանին հյուրընկալել է Վրաստանի հրամանատար, գեներալ-լեյտենանտ Վլադիմիր Չաչիբայան: Գործընկերները քննարկել են Վրաստանի և Հայաստանի միջև պաշտպանական համագործակցության խորացման հարցերը, որոնք, մասնավորապես, վերաբերել են ռազմական կրթության և ռազմական բժշկության ոլորտում համագործակցությանը:
ՀՀ գլխավոր դատախազ Արթուր Դավթյանն Արցախում ԱՀ գլխավոր դատախազի պաշտոնակատար Արամայիս Ավագյանի հետ աշխատանքային խորհրդակցություն է վարել գլխավոր դատախազության աշխատակիցների հետ, որի ընթացքում քննարկվել են ԱՀ-ում անցկացվելիք նախագահական ու ԱԺ ընտրությունների կազմակերպման, քվեարկության ընթացքում և հետընտրական գործընթացներում արձանագրված ընտրախախտումների վերաբերյալ հաղորդումների, դիմումների, ահազանգերի քննության ու ընթացքավորման նկատմամբ դատախազական արդյունավետ հսկողության իրականացմանն առնչվող հարցերը:
Օգտագործելով պաշտոնեական դիրքը՝ ՀՀ մարզերից մեկի զինկոմիսարիատի զորակոչային բաժնի պետը՝ հանդիսանալով պետական ծառայություն իրականացնող պաշտոնատար անձ և իրականացնելով իշխանության ներկայացուցչի գործառույթներ, 2019 թ. նախնական համաձայնության է եկել նույն զինկոմիսարիատի նախկին աշխատակցի հետ՝ կաշառքի դիմաց վերջինիս ներկայացրած զորակոչիկներին ժամկետային զինվորական ծառայությունից տարկետումներ տալու կամ ծառայությունից ազատելու հարցերում նրա ծանոթ պաշտոնատար անձանց միջոցով աջակցելու շուրջ: Վերջինս նպաստել է 4 զորակոչիկի օգտին հիշյալ գործողությունները իրավասու պաշտոնյաների միջոցով կատարելուն, որի արդյունքում զինակոչիկներից երկուսն օգտվել են տարկետման իրավունքից, իսկ երկուսը ճանաչվել են ժամկետային ծառայության համար ոչ պիտանի և հաշվառվել պահեստազորում: Դրա համար բաժնի պետն այդ զորակոչիկների հարազատներից պահանջել և հանցակցի օժանդակությամբ մաս-մաս ստացել է առանձնապես խոշոր չափերով կաշառք՝ ընդհանուր առմամբ շուրջ 6.5 միլիոն ՀՀ դրամին համարժեք 13.700 ԱՄՆ դոլար։ Բավարար փաստական տվյալների ձեռք բերման արդյունքում ենթադրյալ հանցագործություն կատարած անձինք բերման են ենթարկվել, իսկ կաշառք տվող անձինք անհերքելի ապացույցների առկայության պարագայում խոստովանել են հանցագործության հանգամանքը։ [ԱԱԾ]
Դատարանը բավարարեց «5-րդ ալիք» ՀԸ սեփականատեր Արմեն Թավադյանի կալանքի ժամկետը ևս երկու ամսով երկարացնելու մասին ՀՔԾ քննիչի միջնորդությունը: Մերժվել է նաև պաշտպանների ներկայացրած գրավի միջնորդությունը։ |pastinfo.am|
ՀՀ ազգային անվտանգության ծառայությունը բացհայատել է կաշառք ստանալու դեպք: Փաստական տվյալներ են ստացվել, որ ՀՀ շրջակա միջավայրի նախարարության «Շրջակա միջավայրի վրա ազդեցության փորձաքննական կենտրոն» ՊՈԱԿ-ի փորձագետը հանքարդյունաբերության արտոնագիր ստանալուն նպաստելու, այդ հարցում խոչընդոտները վերացնելու համար տնտեսվարող սուբյեկտի տնօրենի փոխարեն համապատասխան փաստաթղթեր կազմելու, հանքավայրի իրական երկրաբանական տեղորոշիչները պատկան մարմիններին չհայտնելու և դրական եզրակացության նախագիծ տրամադրելու համար պահանջել և 2019 թ. սեպտեմբերից մինչև 2020թ. փետրվարի 8-ը ընկած ժամանակահատվածում տեղի ունեցած հանդիպումների ընթացքում մաս-մաս ստացել է առանձնապես խոշոր չափերով՝ 3.300.000 ՀՀ դրամ կաշառք։ ՀՀ ԱԱԾ քննչական դեպարտամենտում հարուցվել է քրեական գործ ՀՀ քրեական օրենսգրքի համապատասխան հոդվածներով, կաշառք ստացած պաշտոնյան և փորձաքննություն նախաձեռնած տնտեսվարողը ձերբակալվել են։[ԱԱԾ]
Իրանի կառավարությունը հաստատում Է երկրում կորոնավիրուսով վարակման երկու դեպքի վերաբերյալ տեղեկատվությունը:Մի քանի րոպե առաջ առողջապահության նախարարը՝ վկայակոչելով գերատեսչության մասնագետների զեկույցը, հայտնեց, որ Կումում կորոնավիրուսով վարակման կասկածի երկու դեպքում դրական ախտորոշում Է եղել։ [Այս մասին ասել է կառավարության պաշտոնական ներկայացուցիչ Ալի Ռաբիին] | armenpress.am|
ՀՀ նախագահ Արմեն Սարգսյանը ստորագրել է հրամանագրերը՝ Ռազմական ոստիկանապետ Արթուր Բաղդասարյանին և ԶՈւ բարոյահոգեբանական ապահովման վարչության պետ Ալեքսան Ալեքսանյանին պաշտոններից ազատելու վերաբերյալ։
