09:04 - 19 մայիսի, 2020
Ոստիկանությունում կարգապահությանն ու օրինականության վերահսկողության ապահովման նպատակով տեղի է ունցել աշխատանքային խորհրդակցություն
Մայիսի 18-ին ՀՀ Ոստիկանության զորքերի գլխավոր վարչություն էր այցելել ոստիկանության ներքին անվտանգության վարչության պետ, ոստիկանության գնդապետ Ա. Մկրտչյանը։ Այս մասին հատնում են ՀՀ ոստիկանությունից:
ՈԶ գլխավոր վարչության անձնակազմի և ենթակա զորամասերի հրամանատարների ու տեղակալների մասնակցությամբ տեղի ունեցավ աշխատանքային խորհրդակցություն, որը վարում էին ՈԶ հրամանատար, ոստիկանության պետի տեղակալ Վ. Ղազարյանը և ոստիկանության ՆԱՎ պետ Ա. Մկրտչյանը։
Խորհրդակցության հիմնական թեման էր ոստիկանության համակարգում կարգապահությանն ու օրինականության ապահովմանն ուղղված ներքին վերահսկողության պահպանումը և դրա ապահովման ուղղությամբ համագործակցության կազմակերպումը:
Բարձրացված խնդիրները քննարկվեցին հարցուպատասխանի միջոցով։ Ամփոփմանը ՈԶ հրամանատար Վ. Ղազարյանը հավաստիացրեց, որ Ոստիկանության զորքերն իր ծառայողամարտական գործունեության մեջ անվերապահորեն հետևում է վերոհիշյալ խնդիրների իրականացմանը։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)